60 urtetik gorakoentzako musika ikastaroa emango du Tarinek Markina-Xemeinen
Ikastaroan parte hartzeko izen ematea barikura arte [maiatzak 6] dago zabalik. Abestu eta gorputz perkusioa eta erritmoa landuko dute parte hartzaileek.
60 urtetik gorakoentzako musika ikastaroa antolatu du Tarine Udal Musika Eskolak. Musikaz Bizi izeneko ikastaroa maiatzeko barikuetan emango da (maiatzaren 6an, 13an, 20an eta 27an) Markina-Xemeingo Arretxinagako musika eskolan.
Azaldu dutenez, lehen aldia da ikastaroa antolatzan dutena, eta bertan parte hartu ahal izateko ez da musikaz jakin behar, helburua ondo pasatzea izango dute parte hartzaileek. «Abestu eta gorputz perkusioa eta erritmoa landuko dute», zehaztu dute.
Ikastaroan parte hartzeko izen ematea barikura arte [maiatzak 6] egongo da zabalik. Horretarako, 94-613 98 89 edo 671 18 93 26 telefono zenbakietara deitu behar da, edo bestela, info@tarinemusikaeskola.eus helbide elektronikora idatzi.
Eskolak 11:00etatik 12:00etara emango dituzte.
