Txantxangorriren udalekuetako izen ematea zabalik
Txantxangorrik antolatzen dituen Udatxiki eta Udabentura udalekuak ekainaren 27tik uztailaren 15era bitartean burutuko dira.
Txantxangorrik antolatzen dituen udalekuak ekainaren 27tik uztailaren 15era bitartean burutuko dira. Haur hezkuntzako ikasleen taldeak 10:00etatik 13:00etara jardungo dute. Lehen hezkuntzakoek, berriz, 9:30etik 13:30era.
Txantxangorrrik antotlatzen dituen Udatxiki eta Udabentura udalekuen izen ematea zabalik dago, eta hain zuzen ere, maiatzaren 6, 7 eta 8a dira azken egunak. Izen ematea Luardo Etxeko lehenengo solairuan egin beharko da. Ordutegiari dagokionez, ostiralean 18:00etatik 20:30era bitartean egin daiteke, eta larunbatean eta igandean, berriz, 11:00etatik 13:30era. Antolakuntzatik jakinarazi dutenez ezingo da epez kanpo izenik eman.
Izena emateko orduan, ondorengo dokumentazioa eraman behar da: baimen orria, izen ematea orria, osakidetzako txartelaren fotokopia eta kuotaren dirua.
Kuotei dagokionez, ondorengo prezioak zehaztu dituzte; haur baten izen emate kuota 100 euro, bi haurrena 180 euro eta hiru haurrena 235 euro. Dirua eskura eman beharko dela aipatu dute.
Bestalde, antolakuntzatik aipatu dutenez, aurreikusitako haur kopurua gaindituz gero, baliteke zozketa egin behar izatea. “Neurri hori hartu beharrik ez izatea espero duten arren antolakuntzatik, eskari kopuruari erantzun ezinik geratuko bagina, ez genuke beste aukerarik izango, gure helburua udalekuen kalitatea eta haurren segurtasuna bermatzea baita”.
Bestalde, guraso bilerak noiz izango diren zehaztu dute, hauek dira datak:
Ekainak 13
- 17:00etan HH3 eta HH4
- 18:00etan HH5 eta LH1
Ekainak 14
- 17:00etan LH2 eta LH3
- 18:00etan LH4
- 19:00etan LH5 eta LH6
