Film laburren lehiaketa antolatu dute zazpigarren aldiz Etxebarrian
Aurtengo gaia euskal umorea da eta entregatzeko azken eguna uztailaren 15a da.
Etxebarriko Udalak zazpigarren aldiz antolatu du film laburren lehiaketa. Aurtengo gaia euskal umorea da eta entregatzeko epea uztailaren 15ean amaituko da, udaletxean. Lanak euskarazkoak izan beharko dira, hiru eta hamar minutu bitarteko iraupena izan beharko dute eta formatuari dagokionez, 1920*1080 full HDkoa izan beharko da eta pendrive batean eman beharko dute parte hartzaileek.
Film labur irabazlea uztailaren 26an, Santixauetan, emango dute jakitera. Epaimahaia talde bakoitzeko ordezkari batez egongo da osatuta eta hauek originaltasuna, barregarritasuna, teknikoki bere egokitasuna eta gaiarekin zerikusia duen ala ez aztertuko dute. Sariei dagokionez, irabazleak 300 euro poltsikoratuko ditu, bigarrenak 200 euro eta hirugarrenak 100 euro. Jakinarazi dutenez, arte hartzailea denek jasoko dute saria.
