20. Marmitako Txapelketa antolatu du Lekeitioko Aittitta Txiki kultur elkarteak
Izena emateko epea uztailaren 25ean amaituko da
Uztailaren 30ean lehiatuko da Lekeitioko 20. Marmitako Txapelketa. Izen ematea dagoeneko zabalik dago interneteko inprimaki baten bidez, hilaren 25era arte. Aittitta Txiki kultur elkarteak Eusko Label eta udalaren laguntza du lehiaketa aurrera eraman ahal izateko.
Antolatzaileek arauak zehaztu dituzte. Aurkezten den lapiko bakoitzeko parte hartzaileek 10 euro ordaindu beharko dituzte ES 9230350042910420016269 kontu korrontean. Bertan taldearen izena eta bertan jan nahi izan ez gero, pertsona kopurua zehaztu beharko da aulki kopururako. Trukean bazkaria prestatzeko mahaiaz gain, hiru kilo hegaluze eta bost kilo patata jasoko dituzte parte hartzaileek.
Horrez gain, plazan bazkaldu nahi ez gero, beste lau euro ordainduko behar dira pertsonako. Antolatzaileek aulkia, zortzi pertsonentzako mahaia, bi plater, bi edalontzi, mahai tresnak eta ogia. Derrigorrezkoa da marmitakoa plazan prestatzea, ezinbesteko baldintza da aurkeztu ahal izateko. 13:00etan jarri beharko dira lapikoak epaimahaiaren aurrean. Epaimahaia Agurtzane Eizagirrek, Leire Azkarregik eta Iker Bildozalak osatuko dute.
Orain arte zortzi kuadrillak eman dute izena, baina antolatzaileek askoz gehiago espero dituzte, “asko dira behin eta berriro esan arren, azken orduan izena ematen dutenak”. 2019an, Marmitako Txapelketa lehiatu zen azken urtean, 48 taldek parte hartu zuten, beraz, aurten 35-40 aurreikusi dituzte.
