Arbideko I. Bloke Txapelketa herrikoia antolatu dute
Domeka [urriak 9] goizean burutuko da Arbide Eskalada Taldearen rokodromoan. Izen ematea zabalik dago.
Ondarroako Arbide Eskalada Taldearen I. Bloke Txapelketa herrikoia burutuko da domekan [urriak 9], taldearen rokodromoan (Iñaki deuna, 40). 08:00etan izango da ate irekiera, eta 09:00etan abiatuko da txapelketa.
12 urtetik gorakoei zuzendutakoa da, eta aipatu dutenez jende kopuruaren arabera txandak antolatuko dituzte. Gehienez ere 90 parte hartzailek izen eman ahalko dute, hortaz, izen ematea zabalik dago www.arbide.eus web gunearen bitartez edota QR kodea erabilita. Prezioei dagokionez, 12 euro ordaindu beharko dute ez abonatuek, eta abonatuek, berriz, 10 euro. Ordainketa egunean bertan burutuko da.
