Komunikaziorako plataforma digitaletan trebatuz ikastaroa, Etxelilan
Urriaren 20an izango da lehenengo saioa, 17:00etan. Bigarrena, berriz, urriaren 27an izango da.
Ondarroako Etxelila Emakumeen Topalekuak eta Berdintasun sailak antolatutako Jabekuntza eskolaren baitan Komunikaziorako plataforma digitaletan trebatuz tailerra eskainiko dute. Leire Abaigar Elorza kazetaria, marketing digitalean trebatua eta Errotik Kooperatiba Feministako kideak dinamizatuko du, bi orduko bi saioz osatutako ikastaroa.
“Covid 19aren pandemiak aurrez aurrekoak ez diren komunikatzeko modu berriei atea zabalduko die, modu birtualean komunikatu behar izatea ekarri du, familiarekin, lagunekin, kalean…”. Hortaz, ikastaroan komunikatzeko plataforma birtual erabilienak aztertuko dira. Bide batez, sare sozial orokor zabalduenak ere nola erabiltzen diren irakatsiko da, beti ere komunikazioa eta harremantzeko moduak ikuspegi feminista batetik abiatuko dira.
