Zabalik dago Mutrikuko musika talde eta bakarlarien jaialdian izena emateko epea
Gaba Beltzaren egitarauaren baitan burutuko da. Eguena [urriak 20] izango da izena emateko azken eguna.
Urriaren 29an ospatuko den Mutrikuko Gaba Beltzeko egitarauaren baitan Beheko doinuak Mutrikuko musika talde eta bakarlarien jaialdia antolatzen ari da udala. “Herriko talde, DJ eta bakarlarien gaua izatea nahi dugu”. Jaialdia Beheko Plazan antolatu nahi da, herriko musikarien zuzeneko kontzertuak eskainiz.
Izen ematea zabalik urriaren 20ra arte, kultura@mutriku.eus helbidera idatziz. Gainera, antolatzaileek aipatu dutenez baldintzak, ordutegiak, antolakuntza eta informazio gehigarria urriaren 21ean egingo den bileran zehaztuko dituzte.
