Santa Zezilik musikaz girotu du zapatu euritsua
Ondarroan, Lekeition eta Mutrikun gaur [azaroak 19] hasi dira musikarien eguna ospatzen. Beñat Etxaberen gidaritzapean eman du kontzertua Mutrikuko Musika Bandak, komentu bete jenderen aurrean.
Beñat Etxabe zestoarra, Mutrikuko Musika Banda zuzentzen. Txistu eta musika banden Santa Zeziliko emanaldiek kolorea jarri diote gaurko [azaroak 19, zapatua] egun goibelari, doinu gozo zein indartsuek, harmonikoek, zentzumenak aberasten dituzten horietakoek. Ondarroan txistu doinuek gozotu dute eguerdi partea, eta Lekeition eta Mutrikun musika banden kontzertuen inguruan bildu dira musikazaleak.
Euri zaparradak tarteko, Zabiel plazan egitekoa zen kontzertua komentuan eman du Mutrikuko Musika Bandak. Zuzendari hautaketa prozesua hasita, Beñat Etxaberen gidaritzapean aritu dira musikariak. Bost pieza jo dituzte: Aurelio Nietoren Bellas Artes pasodoblea, Jesus Guridiren El Caserio (Mariano San Miguelen moldaketa), E. Griegen Peer Gynt, Jacob de Haanen Concerto d’ Amore eta J. Offenbachen Ballet Parisien (Merle J. Issacen moldaketa) interpretatu dituzte maisuki. Komentu bete jendek txaloz erantzun dio bandari.
Beñat Etxabe. Zestoan sortua, Musikenen goi mailako bombardino ikasketak egin eta gero, bombardino irakaslea da gaur egun Etxabe. Horrez gain, Ustekabe fanfarrean jotzen du, eta azken urtean Azpeitiko Banda zuzentzen ibili da. Mutrikuko Musika Bandako arduradunek zorterik onena opa nahi izan diete banda zuzentzeko hiru hautagaiei eta gaurko kontzertuaren aurretik, Etxaberi: “Zorte on, Beñat”.
EGITARAUA
- Ondarroa
- Zapatua, azaroak 19:
- 20:00ak: Txistulari Taldearen, Kantaize abesbatzaren eta Unanue Kamara Koralaren kontzertua, Andra Mari elizan.
- Azaroak 21, astelehena:
- 17:30: Unanue udal musika eskolaren kalejira.
- 19:30: Unanue udal musika eskolaren orkestra kontzertua, Kalekutzeko eskaileretan.
- Azaroak 23, eguaztena:
- 17:30: Unanue udal musika eskolak Musikalean ikuskizuna eskainiko du, Plaza Gainen.
- Azaroak 25, barikua:
- 16:30: Unanue udal musika eskolak Santa Zezili eguneko kalejira egingo du, musika eskolatik irtenda.
- Azaroak 26, zapatua: Kresala Musika Banda kalerik kale ibiliko da, eguerdian hasita.
- Zapatua, azaroak 19:
- Markina-Xemein. Azaroak 25, barikua: Tarine Udal Musika Eskolak Zertzelada Musikala eskainiko du, 17:30ean, Arretxinagan.
