San Andres Egun girotsua, Etxebarrian
Gaur [azaroak 30] egun osoko egitaraua dute aurretik, herri kirolekin hasi dute eguna eta afariagaz amaituko dute.
Sanandresak Etxebarriko jai nagusietako batzuk dira eta etxebarritarrek gogotik daude gaur [azaroak 30] ospatzen San Andres Eguna. Joan de domekan eman zioten hasiera San Andres Jaietako egitarauari, Iker Galartza eta Zuhaitz Gurrutxaga antzezleek ‘Lehendakari gaia’ antzerkia eskaini zuten, frontoian.
Hain zuzen ere, herriko frontoian oinarrituko dira ekintza nagusiak. Gaur [azaroak 30] meza egin dute lehendabizi elizan, eta gero, umeek herriko kirol desberdinak probatzeko aukera izan dute. Herriko txikienek denetarik izan dute, txinga erutetik, lokotz biltzera edota egun batez harri jasotzaileak izan ahal dira.
Arratsaldean herritar guztiak frontoian elkartuko dira. 16:00etan hasiko da briska txapelketa eta 18:30ean sari banaketan argituko dituzte kartel lehiaketako irabazleak. Aurten 49 lan aurkeztu dira. zuten, eta ostean, San Andres kartel lehiaketako sari banaketa egin zuten. Irabazleak:
0-5 urte: Inar Egurrolak
6-9 urte: Oinatz Zelaiak
10-15 urte: Laia Albisu
Nagusiak: Manuela Diaz
Egitaraua:
Gaur [azaroak 30]
11:00. Meza.
11:00-13:00. Ume eta nagusientzako herri kirol jokoak, frontoian.
16:00. Briska txapelketa.
16:00-17:30. Ume eta nagusientzako herri kirol jokoak.
18:30. San Andres kartel lehiaketako sari banaketa.
Ondoren. Herriko umeentzat afari-merienda.
20:00. Herriko nagusientzat afaria, Mirari Azkuna eta Aintzane Agirrebeñaren musikaz girotuta.
