Etxebarriko ETX kultur elkarteak San Blas opilen ikastaroa eskainiko du
Lorea Lejardi herritarrak emango du ikastaroa.
Otsailaren 3an ospatuko da San Blas eguna eta, egun berezi horretara begira, Etxebarriko ETX kultur elkarteak San Blas opilak egiten ikasteko ikastaroa antolatu du. Hitzordua zapatuan [urtarrilak 28] da 17:00etatik aurrera herriko jubilatuen txokoan. Lore Lejardi herritarra izango da ikastaroa ematearen arduraduna, berak emango ditu opilak egiteko argibideak. Antolatzaileek argitu dute ekimenaren helburu nagusia herritarrak “elkartzea, herriari bizitazuna emanez,” eta bidez batez opilak egiten ikastea.
Etxebarriko ETX kultur elkartetik parte hartzaileei eskatu diete arrabola eta sukaldeko ohola eramatea ikastarora. Herritarra bertaratzeko deia luzatu dute: “Ez dakizula San Blas opila egiten? Ez galdu aukera eta hurbildu zaitez. Parte hartu eta herri kultura sustatu!”.
