Mutrikuko mozorro lehiaketan izena emateko epea zabalik dago
Taldeka edo banaka aurkezteko aukera egongo da; Otsailaren 10a izango da azken eguna.
Inauterietako mozorro lehiaketan izana emateko epea zabaldu du Mutrikuko Udalak, kultura@mutriku.eus helbidera idatzi behar da izen ematea burutzeko; otsailaren 10a izango da azken eguna.
Zapatuan [otsailak 18], 18:00ak aldera izango da lehiaketa, Miruaitz frontoian, hain zuzen ere, Arima Dance taldearen emanaldia bukatu ondoren. Herritar orok parte hartzeko aukera izango du, adin mugarik gabe. Gainera bi aukera egongo dira parte hartzeko; banaka edo taldeka.
Antolatzaileek osatuko dute epaimahaia, eta ikuskizunaren eta mozorroaren originaltasuna izango dira baloratuko direnak. Sari banaketa bi azpimultzotan egingo da, baina zehaztu dutenez sariak ez dira egunean bertan emango:
- Taldeka:
1. Saria: 100 €
2. Saria: 60 €
3. Saria: 40 €
- Banaka:
1. Saria: 60 €
2. Saria: 40 €
3. Saria: 20 €
