Dantza Egunerako entseguak egingo dituzte Mutrikun
Gure Ametza Dantza Taldeak antolatu ditu. Parte hartzaileek izena eman beharko dute aurretiaz.
Mutrikuko Gure Ametsa Dantza taldeak Dantza Eguna ospatuko du aurten ere. Hori dela eta, Dantza Egunari begira entsegu egunak antolatu dituzte. Antolatzaileek adierazi dutenez, parte hartzaile guztiek izena eman beharko dute aurretiaz, eta horretarako bi bide eskaini dituzte; batetik, Loretxu, Bare Bare, Apartak, Txalaparta eta Albokan jarriko diren orrietan, eta bestetik, edo online.
Hasiberriak. Otsailaren 23an hariko dira hasiberrientzat entseguak. Ostegunero egingo dira, otsailaren 23a barne, eta 20:00etan hasiko dira dantza lokalean (anbulategi zaharrean). Saioetan arin-arin, fandango eta larrai dantza ikasiko dira. Antolatzaileek adierazi dutenez beharrezkoa izango da larrai dantza ikasteko arin-arin zein fandagoa dantzatzen jakitea. Entsegu orokorrei dagokionez, maiatzaren lehen ostegunean hasiko dira, 20:00etan, Anbulategi zaharrean.
