Lau informazio panelek osatzen dute Markina-Xemeingo Memoria Ibilbidea
Etxebarriko eta Berriatukoen ostean, amaitutzat ematen du ibilbide hau Ahaztuen Oroimena Elkarteak.
Arretxinagako panela. Argazkia: Ahaztuen Oroimena Elkartea. Memoria Ibilbideak Ahaztuen Oroimena Elkarteak Etxebarriko, Berriatuko eta Markina-Xemeingo Udalen ekimenez eta Gogorak (Memoriaren, Bizikidetzaren eta Giza Eskubideen Institutua) babestuta dago. Orain, Markina-Xemeingoak aurkeztu dituzte, azkenak. “Gure iguruko herrietan kokatutako fronteak, sektore ezberdinetan antolatu zen eta sektore edo zati hauetako zenbait gertakari bildu nahi izan ditugu, Memoria Ibilbide hauen baitan”, adierazi dute elkartetik.
Lau panel informatibo jarri dituzte herriko hainbat gunetan. Arretxinagan, Akarregi-Egixarreko borrokaren inguruko informazioa jartzeaz gain, Marcelo Usabiaga Jauregi, Rosa Luxemburgo batailoiko kidearen eta Jose Maria Otsoa de Txintxetru gudariaren bizipenen testigantzak eskaintzen dira besteak beste. Zelaiko panelak, ermitaren ondoan kokatuta, Baldaburuko bunkerretan burututako indusketaren inguruko informazioa jasotzen du. Bestetik, Bizenta Mogel parkean, Zapola inguruko bunkerraren inguruko zehaztapenekin batera berau parte den bigarren guda lerroaren infografiak daude. Horrez gain, gerrak eragindako zenbait kalte eta informazio osagarri ere ikusgai dago. Gune hau MX-2 Markina-Xemeingo bigarren guda lerroko memoria ibilbidean, kokatzen da.
Baldaburuko Bunkerreko panel panoramikoa. Argazkia: Ahaztuen Oroimena Elkartea.
Baldaburuko Bunkerreko panela panoramikoa da, Zapolatik Urkora arteko begirada jasotzen du eta ondorioz, mendebaldetik hegoaldera arteko arkuan kokatutako gerra posizioak identifikatu eta kokatzeko gune lagungarria da. Gainera, gune hau MX-3 Iturreta. Baldaburuko bigarren guda lerroko memoria ibilbidean sartua dago. “Azken esku-hartze honekin, ibilbidea seinalatzen duten hainbat geziz osatu dugun”.
