Zientzia Kalean erakusketa ikusgai dago Ondarroan
Zientzia Kalean erakusketa jarri dute Ondarroako lonja gaineko plazan, eta maiatzaren 29ra bitartean egongo da ikusgai. Hamaika infografiaren bidez herritarrek egunero esku artean dituzten edo kontsumitzen dituzten objektuen atzean dagoen zientzia azaltzen da.
Dibulgazioa du helburu egitasmoak eta gizarte osoari zuzenduta dago: “Ogia edo garagardoa nola egiten diren, eta telefono mugikorrek edo autoek nola funtzionatzen duten azaltzen da”. Erakusketa Euskal Herriko Unibertsitateko Kultura Zientifikoko Katedraren eta Nafarroako Unibertsitateko ZIentzia Museoaren egitasmoa da, eta Ondarroako Zientziaren Giltzak Elkartearekin elkarlanean heldu da erakusketa herrira.
