Uztailean eta abuztuan Karraspiora joateko autobusa antolatu dute Etxebarriko eta Markina-Xemeingo Udalek
Hileko bonoak salgai daude udaletxeetan 40 euroren truke 6 urtetik gorakoentzako, hau da, iaz baino zortzi euro garestiago.
Iaz lehen aldiz batu zituzten indarrak Etxebarriko eta Markina-Xemeingo Udalek eta aurten berriro ere errepikatu dute. Udan Mendexako Karraspio hondartzara joateko autobus zerbitzu bateratua eskainiko diete herritarrei. Uztailean eta abuztuan zortzi bidaia egingo ditu autobusak hilero, zortzi hilabete bakoitzean.
Interesa dutenentzat, hileko bonoak salgai daude dute udaletxeetan 40 euroren truke 6 urtetik gorakoentzako, hau da, iaz baino zortzi euro garestiago. 0-2 urte bitartekoek ez dute ordaindu behar ez dutelako jesarlekurik okupatzen eta 2-6 urtekoentzat hileko 20 euroko bonoa atera dute. Bonoak erosteko epea zabalik dago eta ekainaren 27ra arte luzatuko da, edo tiketak agortu arte. Jakinarazi dutenez, bakarrik bi herrietan erroldatuentzako zerbitzua da eta jesarleku mugatuak izango ditu. Era berean, zerbitzua eskaini ahal izateko, gutxieneko pertsona kopuru batek eman beharko dute izena.
Antolatzaileek aurretiaz adieraziko dituzte irteera zortzi egunak. Egun horietako baten irteera eguraldi txarragatik bertan behera geratu ez gero, egin gabeko bidaien dirua itzuliko dute. Autobusa 15:30etan irtengo da Etxebarritik eta geldialdi bakarra egingo du Markina-Xemeingo autobus geltokian Karraspio hondartzarako bidea hartu aurretik. Gero, 19:30etan itzuliko da autobusa Mendexatik.
