Artibai FT izango da Markina-Xemeingo Karmen jaietako pregoilari eta txupinero
Futbol Taldeak 40. urteurrena ospatuko du aurten eta udaleko alderdi politiko biek adostu dute erabakia.
Gero eta gutxiago falta da Markina-Xemeingo Karmen jaiek eztanda egiteko. Hain zuzen ere, Artibai Futbol Taldeko kideak izango da uztailaren 14an udaletxeko balkoira aterako direnak. Zapatuan [ekainak 17] ere herria hartuko dute Artibai Egunean. 40. urteurrenean haiek izango dute jaiei hasiera emateko ardura izango dutenak, haiek izango dira pregoilari eta txupineroak. Nerea Ibarzabal bertsolari eta idazleen erreleboa hartuko dute. Udaleko alderdi politiko biek adostu dute erabakia.
Karmen jaiek kartela dute eta guzti. Nagusien kategorian, Irma Azpitartek irabazi du saria Kolore, kolore eta gustu guztiak kartelagaz. Guztira, herritarren bozkateko bigarren fasean 139 boto jaso ditu eta 500 euroko saria lortu du. Umeen artean, berriz, Alize Arriaga gailendu da Anbotoko Mari kartelagaz, 112 boto jaso ditu eta 150 euroko saria irabazi. Udaletik esan dute kartel lehiaketako bigarren faseko herritarren bozketan 300 pertsonak parte hartu dutela, hau da, parte hartzea “ikusgarria” izan dela: “Zorionak irabazleei, eta eskerrik asko lehiaketara zuen lanak aurkeztu eta bozketan parte hartu duzuen herritar guztiei”.
Horrez gain, udaletik jakinarazi dituzte Karmenetako kontzertuak, jaiak hasi baino lehen hasiko direnak.
Kontzertuen egitaraua:
Ekainak 30, barikua:
- 19:15: Emeki Korala, Mertzedeko Elizan.
Uztailak 7, barikua:
- 22:00: Hots abesbatza (Emeki Korala), Karmengo elizan.
Uztailak 8, zapatua:
- 22:00: Xemeingo gaua (Xemein abesbatza), Xemeinen.
Uztailak 14, barikua:
- 18:30: Got X Elektrotxaranga, herrian zehar.
- 22:30: Hilberan, Mafalda eta Anube, Zelaian.
Uztailak 15, zapatua:
- 18:30: Orkresta Elektrotuna, kalerik kale.
- 19:00: Akerbeltz erromeria.
- 23:00: Oxabi.
Uztailak 16, domeka:
- 13:00: Debako musika bandaren kalejira eta kontzertua, Plazabarripean.
- 21:00: En Esenzia Orkestra, Zelaian.
Uztailak 17, astelehena:
- 22:00: Moz Drums ikuskizuna, herrian zehar.
