Irati Solabarrieta ondarrutarra, atletismoko Euskadiko 16 urtez azpiko podiumetan
Durango Kirol Taldeko atletak bigarren postua lortu du 300 metroko lasterketan eta hirugarren postua 100 metroko lasterketan, "oso marka onak" eginda.
300 metroko lasterketako podiuma, ezkerrean Irati Solabarrieta. Argazkia: Durango Kirol Taldea. Irati Solabarrieta Durango Kirol Taldeko (DKT) atleta ondarrutarrak 12,65eko denboragaz lortu zuen brontzezko domina 100 metroko finalean. Eguerdian jokatu zuten distantzia horretako finala. 300 metroko finala arratsaldean lehiatu zuten, eta 42,40ko denborari esker lortu zuen zilarrezko domina janztea.
Orkatz Beitia entrenatzaileak Solabarrietak egindako denbora onak azpimarratu ditu, batez ere 100 metroko distantzian lortutakoa. “Espainiako txapelketan parte hartzeko marka izango litzateke, baina Espainiakoa jokatuta dago dagoeneko”.
