Tamaina handiko hondakinak bilduko dituzte Aulestin
Uztailaren 13an egongo da horretarako aukera. Lau puntu zehaztu dituzte herrian.
Tamaina handiko hondakinak bilduko dira Aulestin uztailaren 13an. Udaletik jakinarazi dutenez, honako hondakinak ezingo dira atera: bonbonak, obra hondakinak, kristala, beira, gurpil-azalak, lanparak, fluoreszenteak, pilak, su itzalgailuak, olioak, pinturak, bateriak, plastikoak eta arriskutsuak izan daitezkeen hondakinak.
Batzeko lau puntu zehaztu dituzte:
- Torrezelain (edukiontzien ondoan)
- Plazako goiko kantoian
- Sololuziako bidegurutzean (edukiontzien ondoan)
- Solaguren 1 Okindegiaren ondoan (edukiontzien ondoan).
Bestalde, auzoetan, edukiontziak dauden lekuetan batuko dituzte hondakinak. Horrez gain, tamaina handiko hondakinak ateratzeko premia eduki ezkero, bezpera gauean edo egunean bertan 07:00etarako atera beharko dira. Zalantzak argitzeko Aulestiko Udalera deitzeko eskatu dute 946 27 90 06 telefonora.
