Belaustegi, Berriatuan garaile
Belaustegi etxean gailendu da, Berriatuko VIII. Kinttopeko Zaldi Mando Proben Txapelketan.
Argazkia: Berriatuko Udala. Hiru parte hartzaile egon ziren Berriatuko probalekuan, iragan zapatuan [uztailak 8], 22:30ean hasita: etxean lehiatzen zuen Belaustegi, Gamiz-Fikako Garcia Alabak eta Nabarnizko Nabarniz Jatetxea. Lehiaketa, gainera, Bizkaiko Txapelketarako puntuagarria ere bazen. Horrenbestez, lehia estua egon zen parte hartzaileen artean. Azkenean, Belaustegik garaipen boteretsua poltsikoratu zuen Berriatuan, 42 untza eginda.
Argazkia: Berriatuko Udala.
Bigarren postuan sailkatu zen, 32 untzagaz, Garcia Alabak. Irabazlearen eta bigarren sailkatuaren arteko aldea, hortaz, nahikoa esanguratsua izan zen. Nabarniz Jatetxea, 46 untzagaz hirugarren amaitu arren, txapelketatik kanpo geratu zen; izan ere, parte hartzaile hori azken unean sartu zen lehiara, Ajangizko Kobaren ordez, eta erakustaldian baino ez zuen parte hartu. Irabazleak, Bizkaiko Txapelketarako puntu baliotsuez gain, 750 euroko dirusaria, txalma eta txapela jaso zituen. Bigarren sailkatuak, berriz, 600 euroko saria.
