Arrosa kolorez jantzita hasi dituzte Malen Jaiak

285 lagun batu dira Gazte Eguneko herri bazkarian. Bost eguneko egitaraua dute aurretik mutrikuarrek.

2023/07/21

Herria arrosa kolorez jantzi da Mutriku Malen Jaietako lehenengo egunari heltzeko: Gazte Eguna. Bizixoren jaitsierarekin abiatu dituzte goizeko ekimenak, eta plaza bete jende batu da Beheko Plazan. Aurtengo berritasuna izan da herri kirolak antolatzea, eta helburua lortu da: eguerdi ederra igaro dute mutrikuarrek, jolas, irribarre eta jai giroan.

Mutriku Sokatira Taldekoek azalpenak eman, eta gazte zein haur, prest agertu dira probatzeko eta une ederra pasatzeko: txinga eroate, sokatira, txokor batze… denetarik egin dute. Ondoren, mahai inguruan batzeko unea heldu da: 285 lagun batu dira herri bazkarian.

[Egitaraua]