Mendexan ezarri du hitzordua Lea-Artibaiko Itaiak
Egun osoko egitaraua antolatu dute biharko [uztailak 27]. Oihal aereoen tailerrean parte hartu nahi dutenek aurretiaz izena eman beharko dute.
Egun osoko ekimena antolatu du Lea-Artibaiko Itaiak biharko [uztailak 27]. Aisialdirako espazioa sortuko dute eta Mendexako frontoia izango da erdigunea; tela tailerra, bazkaria, kontzertu akustikoa eta pala txapelketa daude antolatutako ekimenen artean.
Mendi ibilaldiagaz hasiko dute eguna eta bi abiapuntu izango dituzte; Ondarroa eta Lekeitio. Ondarroan elizpetik irtengo dute 09:00etan, Lekeitiotik, berriz, 09:30etan irtengo dira Zita Hotelaren paretik. Ibilaldiaren helmuga Mendexa izango da.
12:00etan, oihal aereoen tailerra egongo da. “Publiko guztiari eskainia izango da, eta ez da esperientziarik behar izango”. Tailerrean parte hartu nahi dutenek izena eman beharko dute. Ostean, bazkari-luntxa izango dute, kontzertu akustikoagaz girotuta. Arratsaldean, berriz, pala txapelketa jokatuko dute. Itaiatik hurbiltzeko deia luzatu dute: “Animatu eta hurbildu!”.
EGITARAUA
- 09:00. Mendi martxaren irteera Ondarroako elizpetik.
- 09:30. Mendi martxaren irteera Lekitioko Zita Hoteletik.
- 12:00. Oihal aereoen tailerra, Mendexako frontoian.
- Ondoren. Bazkari/luntxa eta kontzertu akustikoa.
- 16:00. Pala txapelketa, Mendexako frontoian.
