San Antolin jaietako egitaraua banatuko dute bihar Lekeitioko kultur etxean
Bihar [abuztuak 25] jaso ahal izango du nahi duenak San Antolin jaietako egitaraua, 10:00etatik 13:30era, Lekeitioko kultur etxean. Soberan geratzen direnak turismo bulegoan eta kultur etxean bertan jarriko dituzte eskuragarri. Horrez gain, udalaren webgunetik ere deskargatu ahal izango da, formatu digitalean.
Aurtengo egitarauan, jaiak antolatzen dabiltzan gune eta batzorde desberdinetako egitarau guztiak bilduta egongo dira: Jai Batzordearena, Txosnagunekoa eta Parkeko Gunekoa, esaterako. Eguneko egitaraua bezain oparoa eta anitza izango da gauekoa, eta ez dira faltako txapelketak, kontzertuak, bazkari herrikoiak eta kirol jarduerak.
Irailaren 3an paella txapelketa egongo da. Abuztuaren 30era arte eman ahalko da izena, kultur etxean, 15:00etatik 21:00etara. Horrez gain, Antzar Egunean parte hartzeko ere izena eman beharko da, irailaren 4an, 10:00etatik 13:00etara, kultur etxean.
