Auzolan Eguna ospatuko dute Aulestin
Auzolan Eguna ospatuko dute bihar [irailak 30] Aulestin eta egun osoko egitaraua aurkeztu dute; tailerra, jolasak eta bazkaria edukiko dituzte eguneko eskaintzaren barruan.
Aulestiko Hezkuntza Mahaia osatzen duten Urregarai Herri Eskolak, Guraso Elkarteak, Haur Eskolak, Aulestiko Udaleko hezkuntza sailak eta Lea Ibarra Mankomunazgoak elkarlanean antolatu dute, hirugarren urtez, ekimena. Goizean taldeka banatu eta lan eta jolas ezberdinak egingo dituzte; argazki zaharrak gaurkotu, dantza eginez musika panelak eraiki, jolasak eraldatu edota “jolas txiki magikoetan” aritzeko aukera izango dute.
Eguerdian, berriz, 47 lagun batuko dira mahai inguruan; 24 haur eta 23 nagusi. Ostean, Asteklimaren barruan antolatutako Haurrentzako sormen tailerra: Berrerabilpenetik sortu ekimenari emango diote hasiera. Hortaz, zereginik ez da faltako eta egun osatuagaz gozatzeko aukera egongo da, bihar, Aulestin.
