Irati Larrañagak eta Jon Alberdik irabazi dute Markina-Xemeingo II. Txara Trail lasterketa
Domekan [urriak 1] lasterketa motzean Nahia Ibarzabal eta Jon Feijoo nagusitu ziren.
Emakumezkoen lasterketa luzeko podiuma. Argazkia: Txara Trail Guztira 180 pertsonak parte hartu zuten atzo [urriak 1] Markina-Xemeingo II. Txara Trail martxan eta lasterketan. Eguraldi eguzkitsua lagun izan duten parte hartzaileek, akaso “bero gehiegi” egin zuela esan dute Arin-Aringa taldeko antolatzaileek. Hala ere, batez ere giro ona nagusitu zen. Bertaratu ezin izan zutenek streaming bidez ikusi ahal izan zuten lasterketa.
Gizonezkoen lasterketa luzeko podiuma. Argazkia: Txara Trail
Lasterketa luzean Larrañaga eta Alberdi nagusitu ziren. Emakumezkoetan, usurbildarrak nagusitasunez lortu zuen garaipena 2.35.53ko denboragaz. Bigarren Veronica Pardo izan zen 3.07.28ko denboragaz eta Nerea Otaegik 3.10.47 behar izan zituen 21,5 kilometroko ibilbidea osatzeko. Gizonezkoetan, tarteak estuagoak izan ziren. Alberdik 2.02.30ko denboragaz gailendu zen, Oier Kareaga eta Gaizka Ansola herriko semeak hurbil izan zituen 4.47ra eta 5.28ra, urrenez urren.
Emakumezkoen lasterketa laburreko podiuma. Argazkia: Txara Trail
Laburrean, 14,7 kilometrokoan, herrian geratu zen garaipena nesketan. Nahia Ibarzabalek 1.41.50ko denboran iritsi zen helmugara, minutu eskasera heldu zen Itsasne Urkiaga bigarren sailkatua eta Ainhoa Medina izan zen hirugarren 1.45.05eko denboragaz. Mutiletan Feijoo ondarrutarra nagusitu zen 1.17.02ko denboragaz, bigarren Joanes Txurruka izan zen 1.21.59ko denboragaz eta hirugarren Ekhi Sukia (1.23.15). lehen markina-xemeindarra Jon Patxi Aldaolea izan zen, zortzigarren.
