100 lagun batu dira Etxebarriko Gazte Eguneko indiar janean
Bazkalostea Aissa Intxausti eta Lander Ibarluzea bertsolariek alaitu dute. Gauean kontzertuak egongo dira elizpean.
Iritsi da egun handia Etxebarrira ere. 11:00etan hasi dute Gazte Eguna herritarrek, Etxebarriko Gazte Asanbladak antolatuta. Herri kirol desafioaren txanda izan da lehenengo, eta giro paregabea egon da herrian gazte eta ez hain gazteen artean: “Lau taldek parte hartu dute, talde bakoitza hamar pertsona ingurugaz”. Irabazlea talde berdea izan da, guraso elkartekoen taldea, hain zuzen ere. Kirolen ostean, musikaren txanda izan da eta trikiti doinuak nagusitu dira herrian.
Trikipoteoagaz batera, gazte eta ez hain gazteak Etxebarriko frontoira heldu dira. Indiar usainak eta herriko gazteek haru dute frontoia. Guztira 100 lagun batu dira bertan, eta bazkalostea girotzeko Lander Ibarluzea “Aitxulua” eta Aissa Intxausti bertsolariak aritu dira bertsotan. Gai alaiei kantatuz eta bertsotan jolastuz, 18:00ak iritsi zaizkieei gazteei, eta Gotx Elektrotxarangaren txanda izan da.
Elektrotxarangaren ostean, egunagaz amaitzeko eta gauagaz hasteko, 21:00etan kontzertuak egongo dira elizpean: Aiama, Uda eta Lumatzak MJ. Ezin hobeto amaituko dute Gazte Eguna etxebarritarrek, eta ondo ospatuta geratuko dira Gazte Asanbladaren 30 urteak ere.
