Zabalik dago Etxebarriko kartel lehiaketan parte hartzeko epea
Astelehena [azaroak 13] da kartelak aurkezteko azken eguna, udaletxean.
Etxebarriko Udalak adin guztientzako kartel lehiaketa antolatu du beste behin. Aurten aukeratutako gaia San Andres Jaiak izan dira. Edozein herritarrek parte hartu dezake, betiere herrian erroldatuta badago edo umeen kasuan, herriko eskolan ibiltzea ezinbesteko baldintza izango da saria jaso ahal izateko.
Kartelei dagokionez, lanaren tamaina DIN A3 tamainakoa izan behar da eta teknika erabat librea da. Kartelak aurkezteko azken eguna azaroaren 13a da udaletxean, bulegoko orduetan, hau da, 09:00etatik 14:00etara. Antolatzaileek jakinarazi dutenez, aurkeztutako lanak ez dira sinatu behar. Adin tarte desberdinentzako sariak banatuko dituzte. Lau multzotan banatu dute lehiaketa, denek izango dute saria: 0-5 urte bitartekoak, 6-9 urte bitartekoak, 10-16 eta nagusiak.
Parte hartzea sustatzeko asmoz, Etxebarriko Guraso Elkarteak antolatuta, lanak egin ahal izateko tartea zabalduko dute zapatuan [azaroak 10] eskolako jantokian elkartuko dira 17:30eatik 19:30etara.
