Herritarrak batuko ditu Etxebarriko San Andres jaiak

Udaletik gogoratu dute azaroaren 30ean zaintza-eskubide kolektiboa aldarrikatzeko greba feminista orokorraren deialdia dagoela.

Mikel Reina Barros

Etxebarria

2023/11/24

San Andres Eguna [azaroak 30] egun handia da Etxebarrian. Urte urtero ospatzen dituzten jaiak dira eta orain ere ospatukoi dituzte, aurten Mugimendu Feministaren zaintza eskubide kolektiboak aldarrikatzeko greba izan arren. Udalak “herritar guztien eskubideak bermatuz” jai egunarekin aurrera egitea erabaki du. “Beraz, herritar guztiok zaudete gonbidatuta, bakoitza bere askatasunean, gure herriko jai eguna elkarrekin ospatzera”.

EGITARAUA KARTEL IRABAZLEEKIN

Horretarako egun osoko egitaraua antolatu dute herriko frontoian, ekintza nagusia arratsaldean egingo badituzte ere. Herritarrak batzeko jaiak dira sanandresak eta denek batera ospatuko dituzte.

Egitaraua:

11:00: Meza
16:00: Briska txapelketa, herritarrentzat
- Gazteak, 16 urtetik beherakoak
- Nagusia, 17 urtetik gorakoak
16:00-20:00: Ume eta nagusientzako herri kirol jokoak
18:30: San Andres lehiaketako sari banaketa
Ondoren: Herriko umeentzat afari-merienda
20:00: Herritarrentzat afaria