Bi bizikleta elektriko, Gabonetan Mutrikuko komertziora entxufatzeko
Gaur hasi eta hiru astez, 'Entxufatu Mutrikuko komertziora!' kanpaina egingo da, Gabonetako erosketak udalerriko dendetan egitea bultzatzeko eta horrek herriarentzako duen garrantzia bistaratzeko. 49 establezimendu atxikitu dira.
Gabonetako 'Entxufatu Mutrikuko komertziora' kanpaina aurkeztu dute gaur, udal osoko bilkura aretoan. Argazkia: Mutrikuko Udala Mutrikuko Udal Garapen Sailaren ekimenez, martxan dago Gabonetako Entxufatu Mutrikuko komertziora! kanpaina, herriko merkataritza txikia sustatu eta bultzatzea helburu. Udalak, aurten ere, bi bizikleta elektriko zozkatuko ditu kanpainara atxikitu diren dendetan erosketak egin dituztenen artean: Orbea Optima E50 eta Orbea Keram 30. Modu horretan, erosketak herrian egitearekin erosleek ere sari potolo bat jasotzeko aukera izango dute.
Ohiko erosleak zaintzeaz gain, 27 – 50 urte bitartekoengana heldu nahi du udalak, herritik kanpo nahiz Internetez asko erosten duten horiengana, hain zuzen ere (2.0 gizartea bizi dutenak).
Kanpainak hiru aste iraungo du, urtarrilaren 6a izango da azken eguna. Epe horretan, atxikitako saltokietan gutxienez 10 euroko erosketa egitean, merkatariek txartel batzuk banatuko dituzte. “Era horretara, Gabonetako kanpaina indartuko dugu, jendeak eguneroko erosketez gain, bere opariak herritik kanpo erosi beharrean, Mutrikun erosi ditzan”, azaldu dute gaur udalbatzar aretoan egindako agerraldian.
Zozketa publikoa. Urtarrilaren 11n egingo da zozketa, ekitaldi publiko batean. 4 zenbaki aterako dira, bi zenbaki sarituak eta bi ordezko zenbaki. Parte hartzeko, 16 urte beteta eduki beharko dira eta zenbaki irabazlea duenak, erosketa-tiketarekin batera, saritutako tiketa aurkeztu beharko du nahita ez Mutrikuko Turismo Bulegoan. Parte hartzeko oinarriak Mutrikuko web gunean jarriko dira.
Kanpainan parte hartzen duten establezimenduak kanpainako irudia bistan edukiko dute. Honakoak dira: Alazne Optika, Albaro Denda, Alboka Okindegia, stablezimeAlday Klinika, Ametza Taberna, Ansorregi Oinetakoak, Apain Estetika, Aparra Arropa Denda, Apartak Ileapaindegia, Arrieta Autozerbitzua, Astigarraga Anaiak, Beristain Estankoa, Bare Bare Taberna, Bigara Frutategia, Buceo Euskadi, Dendaberri Autozerbitzua, Dilaitz Barne Diseinua, Ekoamalur, Garaia Arropa Denda, Gotzon Arraindegia, Goxart Gozotegia, Iparragirre Altzariak, Iratxe Lorak, Iratxe Masajeak, Iripe Elektrodomestikoak, Islada Fisioterapia, Itxasne Frutategia, Joseba Masajeak, Josune Ileapaindegia, Kabe Etxerako Jatekoa, Kalbaixo Jatetxea, Lasuen-Elezgarai Farmazia, Lekube Burdindegia, Lon Apraiz Farmazia, Madariaga Paperdenda, Maider Pinto Zentroa, Maitenea Frutadenda, Maneiro Lentzeria, MGS Aseguruak, Olaizola Arropak, Potero Elikagaiak, Sabina Elikagaiak, Subeltz Taberna, Tamayo Taberna, Txalaparta Okindegia, Tximak Ileapaindegia, Txoko Taberna, Zelaieta Jatetxea, Ziortza Ileapaindegia.
