Eztanda egin dute Munitibarko San Bizente jaiek
Gaur [urtarrilak 20] gauean Feline, Agur, Arene 6 eta Gora Etorri taldeen txanda izango da.
Eztanda egin dute munitibartarren San Bixente jaiek. Zein modu hobeagorik jaiei hasiera emateko jan edanean eta lagun artean baino, plazako karpan, pintxo dastaketan elkartu dira herritarrak egunari indarrez heltzeko. Herriko txikienek frontoian bilatu dute gorputza martxan jartzeko leku aproposa: jolas eta puzgarriak izan baitira protagonista, eta txikienek ez dute hutsik egin: puzgarriak, saskibaloi kanastak, margoak, beisbol baita tiragomak ere, denetarik izan dute, nahieran.
Herritar denei egokitutako egitaraua oparoa dakarte astebururako; zereginik eta eskaintzarik ez da faltako. Eguerdian motorrak martxan jarri dituzte, gauerako punta puntako giroan murgilduta egoteko asmoz. 19:30ean, karro poteoagaz ibiliko dira herriko txokoak igarotzen, eta 22:00etan jaien une gorenari helduko diote. Musika erdigunean jarri eta eskaintzarik ez da faltako oholtzan: Feline, Agur, Arene 6 eta Gora Etorri taldeen txanda izango baita.
Bihar [urtarrilak 21], ostera, berriro dastatu ahalko dira pintxoak karpan, baina bigarren txanda hori Etxebarria aita-semeen trikiti doinuez girotuta egongo da. Arratsaldean, kirola izango dute protagonista: 17:00etan hasita ume zein nagusien esku pilota partiduak lehiatuko baitira frontoian.
![[Egitaraua]](https://lea-artibaietamutriku.hitza.eus/site/files/2024/01/munitibar2.jpg){kind=link}