Logroñora irteera antolatu du Kuku-Habiak
Izena emateko azkenengo eguna martxoaren 12a izango da.
Emakumeen Nazioarteko Eguna ardatz hartuta Logroñora irteera antolatu du Mendexako Kuku Habiak eta martxoaren 16an zehaztu dute hitzordua. Izena eman nahi dutenek martxoaren 12a izango dute horretarako azkenengo eguna eta bi bide zehaztu dituzte; udaletxera joatea edo 946 84 21 06 telefono zenbakira deitzea.
08:00etan ipini dute batzeko hitzordua eta egun osoko egitaraua edukiko dute aurretik. Behin autobuses Logroñora ailegatuta, 11:30ean bisita gidatu batez gozatzeko aukera izango dute Logroñoko ondare kulturala ezagutzeko. Eguerdian, ostera, mahai inguruan bilduko dira Meson El Cid jatetxean; bazkari ederragaz gozatu ostean, denbora librea edukiko dute arratsaldea nahieran antolatzeko. 19:00etan, ostera, bueltako autobusa hartuko dute.
Elkartetik izena ematera animatu dituzte herriko emakumeak. Egun osoko irteeraren prezioa 50 eurokoa izango da.
