Euskal Selekzioa ikustera joateko autobusa egongo da Lekeitiotik
Izena Lekeitioko kiroldegian eman behar da; bihar [martxoak 20] da azken eguna.
Zapatuan [martxoak 23] goraino beteko da Bilboko San Mames futbol zelaia Euskal Selekzioaren eta Uruguairen arteko partida ikusteko. 20:00etan hasiko dute partida, eta ordurako bertan izango dira Lekeitio eta inguruetako hainbat herritar ere. Izan ere, Lekeitioko Udalak partida ikustera joateko autobusa antolatu du. Kiroldegian eman behar da izena, eta bihar [martxoak 20] da azken eguna. Autobusa arratsaldean irtengo da Mandaskatik; itzulera, berriz, partida amaitu ostean izango da. Ordainketa egunean bertan egingo da, autobusean.
