Berriro ere txapela Sagarmendirentzat
Euskal Herriko Pilota Egokituko Bigarren txapelketa irabazi zuen zapatuan [ekainak 15] Eneko Sagarmenik Mikel Vegarekin batera.
Euskal Pilota Egokituko binakako Euskal Herriko Txapelketa irabazi zuen Eneko Sagarmendi mutrikuarrak, Mikel Vegarekin bikotea osatuta. Iraitz Huegun donostiarra eta Ibai Gomez oreretarraren aurka irabazi zuten finala, 15-6ko markagailuarekin, Basauriko Artunduaga Kiroldegiko pilotalekutan.
Lau partidatatik laurak irabazi zituzten Sagarmendi eta Vegak, nahiko “errez” gailendu ziren markagailuan. Lehenengo partidan 15-0 irabazi zuten Murua eta Calbo arabarren kontra. Bigarrena ere, “alde handiarekin” irabazi zuten Jon Estebez eta Mikel Canoren aurka 15-5eko markagailuarekin. Final aurrekoetan ere Cano eta Estebezen aurka jokatu zuten eta 15-0 irabazi zuten hirugarren partida. Ondorioz, final erdietara pasatu ziren eta Joseba Altuna eta Erik Gaton izan zituzten aurkariak Sagarmeni eta Vegak. Laugarren partida ere 15-9 irabazi ondoren finalera igaro ziren.
Iraitz Huegun eta Ibai Gomenez aurka jokatu zuten finala eta 15-6ko markagailuarekin gailendu ziren Sagarmendi eta Vega. “Oso txapelketa polita izan zen, lehenengoa niretzako, aurreko urtean ez nuen jokatu eta. Partida oso ona jokatu genuen finalean Vegak eta nik, oso gustora ibili ginen eta tanto oso politak egin genituen. Tanto ederra egin nuen ezkerrarekin eta oso pozik geratu nintzen horrekin”, azaldu du Sagarmendik.
Argazkia: Eneko Sagarmendi.
