Udako kultur egitaraua aurkeztu du Mutrikuko Udalak
Herriko talde desberdinak protagonista izanik, egitarau oparoa antolatu du Mutrikuko Udalak udara begira. Anaiarte abesbatzaren emanaldiarekin emango diote hasiera.
Argazkia: Mutrikuko Udala. Urtero antolatzen du udako egitaraua Mutrikuko Udalak, eta oraingoan ere horrela egin du, herriko taldeei protagonismoa emanez. Ekainaren 29an [zapatua] emango diote hasiera egitarauari, Anaiarte abesbatzak igoko da Goiko Plazako oholtzara, 22:30ean.
Uztailaren 6an [zapatua] Akordeo taldearen eta Madalen abesbatzaren kontzertua egongo da 23:00etan Goiko Plazan. Uztailaren 13an [zapatua], Sorotan Bele gogoan kontzertua ikusteko aukera izango dute herritarrek, Mutrikuko polikiroldegian, 23:00etan. Mutrikuko Musika Banda eta Gure Ametsa dantza taldea ariko dra Sorotan Bele taldearekin batera. Kontzertuko sarrerak uztailak 1etik aurrera jarriko dira salgai, turismo bulegoan eta www.mutriku.eus helbidean.
Uztailaren 20an [zapatua] emango diote jarraipena egitarauari Afrika Bibang taldearen kontzertuarekin. Zazpi musikarik osatutako taldea Goiko plazako oholtzan arituko da, 22:30etatik aurrera.
Mutrikuko Malen jaiak igaro ondoren, abuztuan izango dute hurrengo emanaldia. Meñakoz Dantza Taldearen Labarretan ikuskizuna egongo da abuztuaren 3an, 23:00etan, Goiko Plazan. Abuztuaren 10ean Idoia Asurmendiren txanda izango da, hau ere, 23:00etan, Goizko plazan.
EGITARAUA
Zapatua, ekainak 29
- 22:30. Anaiarte Abesbatza, Goiko Plazan.
Zapatua, uztailak 6
- 23:00. Akordeoi taldea eta Madalen Abesbatza, Goiko Plazan.
Zapatua, uztailak 13
- 23:00. Sorotan Beleren kontzertua, Mutrikuko Musika Bandarekin eta Gure Ametsa Dantza Taldearekin batera, kiroldegian.
Zapatua, uztailak 20
- 22:30. Afrika Bibang taldearen kontzertua, Goiko Plazan.
Zapatua, abuztuak 3
- 23:00. Labarretan dantza ikuskizuna.
Zapatua, abuztuak 10
- 23:00. Idoia Asurmendiren kontzertua, Goiko Plazan.
