Mediku arreta martxan dago ostera ere Berriatuan
Gaurtik [irailak 9] aurrera, berriro medikua dago, ia bi hilabete eta gero.
Berriatuko osasun etxean mediku arreta martxan dago ostera ere, gaurtik [irailak 9] aurrera. Uztailaren 15etik Berriatuan erizaina baino ez da egon, egun erdiz, eta medikua behar izan dutenek Ondarroan hartu behar izan dute hitzordua.
Osasun Sailetik udako oporretako bi hilabetetan ordezkapenik egin ezin dituztela esan zieten eta horrela hutsunea geratu zen Berriatuan. Udaletik osasun zentroko egoera salatu zuten eta Jaurlaritzari exijitu zioten “egoera konpontzeko konpromisoak hartzea”.
