Aldarrikapenerako tartea egon da Santa Eufemi Egunean
Aulestiarrak gaur [irailak 16] jaietako egun handia ospatzen ari dira ermita inguruan egun osoko egitarau oparoagaz.
Santa Eufemi egun handia da gaur [irailak 16], hau da, Aulestiko Santa Eufemi jaietako egun handia. Aulestiarrak goizetik zelaiaren inguruan elkartu dira, eguraldi eguzkitsua lagun. Asko eta asko izan dira oinez bidea egin dutenak, egun aproposa baitzen horretarako.
Tradizioari jarraituz, mezagaz eman diote hasiera egunari. Herriko txikienek, berriz, aukeran izan dituzte bola joko txapelketa edota poniak Zelai Alairen eskutik. Zaldi txiki gainean jartzeko ilara luzeak sortu dira, ohi baino luzeagoak. Nagusiagoek jan-edanean elkartu dira behin igoera eginda. Horrela, ume zein nagusi zeregitekoa izan dute goizean. Eguerdian denak ala denak elkartu dira Herri txikiak bizirik nahi dituztela aldarrikatzeko.
Hain zuzen ere, Aulesti eta Markina-Xemein lotzen dituen errepidea konpontzeko eskatzen dute. Pentsaurrekoa eman zuten irailaren 7an eta gaur elkarretaratzea egin dute. Horrez gain, sinadurak biltzen ere aritu dira, baita kamisetak saltzen ere.
[IKUSI ARGAZKI GALERIA ZUZENEAN]
Elkarretaratzearen ostean, ez da planik faltako zelaian, eguerditik aurrera erromeria egongo baita Izarra eta Gorka trikitilarien eskutik. Ondoren, 18:00etan nagusien txapel jaurtiketaren txanda izango da eta egunari amaiera emateko Bide Batez erromeria taldeak hartuko du oholtza.
Argazkia: Iñaki Aranguena
ASTELEHENA, IRAILAK 16
- 16:30. Ume eta gaztetxoentzako txapel jaurtiketa.
- 18:00. Nagusientzako txapel jaurtiketa.
- Eguerditik aurrera. Erromeria Izarra eta Gorka trikitilarien eskutik.
- 20:30. Erromeria Bide Batez taldeagaz, plazan.
BARIKUA, IRAILAK 20
- 22:30. Musika ekitaldia: Deskontrol, Oxabi eta Lumatzak MJ.
DOMEKA, IRAILAK 22
- 10:00. Meza ermitan.
- 12:00. Meza goiko zelaian.
- 12:45. Kontzentrazioa zelaian Euskal preso politikoen eskubideen alde. Aulestiko preso eta iheslarien aldeko mugimenduak antolatuta.
- Goizean zehar. Eingo eskolako ikasleen musika emanaldia.
- 13:30. 43. Ermitako igoera.
- 14:00. 34. Irrintzi txapelketa.
- 16:00. Nagusien Santa Eufemiko bola joko txapelketa. Bizkaiko 33. hiru txirlo bola joko txapelketaren finala.
- 16:30. Erromeria Eingo musika taldearen eskutik, beheko zelaian.
