Aniztasun funtzionala dutenen arreta zerbitzua hurbiltzeko eskaera diputaziora eraman dute
Eusko Jaurlaritzagaz ere batzarra eskatu dutela adierazi dute Lea-Artibai Mankomunitatetik.
Lea-Artibai Mankomunitateko ordezkariak Bizkaiko Foru Aldundian egon dira aniztasun funtzionala daukatenen arreta zerbitzua hurbiltzeko eskatzeko. Era horretara, Lea-Artibai Mankomunitateak eskualdeko ikastetxe, guraso elkarte eta udalen eskariari “ahotsa” jarri dio.
Argazkia: Lea-Artibai Mankomunitatea
Eusko Jaurlaritzagaz ere batzarra eskatu dutela adierazi dute, hain zuzen, Hezkuntza Sailagaz eta Osakidetzagaz, “horiek ere konponbidearen parte direlako”. Aurten lehenengo udaleku froga Markina-Xemeinen egin ostean, esan dute balorazioa “oso positiboa” izan dela, “zerbitzua hurbiltzearen eskaerak indar handiagoa hartu du gurean”.
