Leartibai Fundazioak Enpresa Berdea programa jarri du martxan
Lau formakuntza saio antolatu dituzte urrian eta azaroan online, 9:00etatik 13:00etara, eta doakoak dira.
Leartibai Fundazioak lehen aldiz Enpresa Berdea programa sortu du. Helburua enpresa industrialen “trantsizio ekologikoa” lortzea dela diote: “ Lea-Artibaiko enpresen hazkunde ekonomikoaren eredu berriaren eragile gisa, ikuspegi ekologiko integratzaile eta enpresen estrategiarekin lerrokatuta”.
Horretarako, lau formakuntza saio antolatu dituzte. Barikuan [urriak 4] emango diete hasiera “Posizionamendua eta ideiak argitzen” izeneko saioagaz. Bertan, enpresa bat jasangarritasunaren arloan kokatzen laguntzen duten irizpideak edota arau nagusiak ezagutaraziko dituztela diote, “datozen urteetan indarrean jarriko diren araudien berri eman emanez”.
Saio guztiak 09:00etatik 14:00etara dira, online eta doakoak izanik. Eskualdeko industria-enpresa, industriari lotutako zerbitzu-enpresa eta garraio- eta handizkako merkataritza-enpresei daude bideratuta.
Enpresa Berdea Programa Bizkaia Orekan Sakonduz ekimenaren barruan kokatzen da eta Eskualdeko Lehiakortasuna Bultzatzeko Programaren bitartez diruz lagunduta dago. Bizkaia Orekan Sakonduz Bizkaiko Foru Aldundiko Ekonomia Sustatzeko Sailak eta BEAZek bultzatzen dute, “lurralde lehiakortasuna sustatzeko”.
Hurrengo saioak:
-
Urriak 18. Karbono neutroa helmuga. “Bigarren saio honetan ingurumen-aztarnaren kalkulua eta karbono-neutraltasuna nola lor daitekeen azalduko da”.
-
Urriak 25. Autosufizientzia energetikoa. “Hemen, laguntza-planen eta irtenbide espezifiko eraldatzaileen bidez energia-independentzia lortzeko bideak aurkeztuko dira”.
-
Azaroak 8. Zirkulartasuna: negozio eredu berria. “Tailer honen bidez, zirkulartasunaren kontzeptua, lehiarako dituen abantailak eta enpresetan nola txertatu daitekeen erakutsiko da”.
