Amaia Lekunberrik BizkaIdatz literatur lehiaketako lehen saria irabazi du
Eguenean [azaroak 21] egin zuten sari banaketa Bilboko Foru Liburutegian.
BizkaIdatz lehiaketako sari banaketaBFA Euskara, Kultura eta Kirol diputatuak Leixuri Arrizabalagak eta Begoña de Ibarrak, Kultura zuzendari nagusiak, 16. BizkaIdatz literatur lehiaketako sariak banatu zituzten atzo [azaroak 21], Foru Liburutegian. Euskarazko lanetan Amaia Lekunberri Ansola markina-xemeindarrak lehen saria irabazi du Egizu Match lanagaz.
BizkaIdatz lehiaketako sari banaketaBFA
Kazetariak 2.000 euroko saria lortu du eta diploma egiaztagarri bat. Parte hartzaileek kontakizun bat idatzi behar zuten, gaur egungo beste idazle batzuek proposatutako bi istorioren (bata euskaraz eta bestea gaztelaniaz) hastapenetatik abiatuta, betiere proposatutako kontakizunen hasierara, pertsonaietara eta planteatutako egoeretara egokituta. Euskarazko modalitatean epaimahaikideak Elena Fernández Alonso, Idoia Barrondo Etxebeste eta Andoni Abenójar Martínez de Eulate izan dira.
2017an, Bilboko Udalak antolatzen duen Gabriel Aresti Ipuin Lehiaketaren sari nagusia eraman zuen Lekunberri kazetariak eta generoaren arloko adituak. Euskarazko ipuinen modalitatean irabazi du saria markina-xemeindarrak, Ezkontza izeneko ipuinagaz.
Bizkaiko Foru Aldundiak 2008an abian jarri zuen Bizkaidatz literatur lehiaketa. ‘Esta historia la escribes tú/Jarraitzeko prest? Orain zure txanda da’ leloa duen lehiaketan Aldundiaren helburua da “bizkaitarren artean literatur sorkuntza sustatzea eta bultzatzea”.
