Mutriku eta Dania, Jai Alai Ligaren barruan
Gaurko aurkezpenean [abenduak 3] jakinarazi dute lehen aldiz Jai Alai Liga Floridara helduko dela. Mutrikuko Master Seriesa aurten bai izango dela ligarako puntuagarria, Markina-Xemeingo Grand Slama eta Lekeitioko Mastersa ere mantentzen dituzte.
AntolatzaileakEraman Jai Alai Berritasun bete-beteekin dator Jai Alai Ligako 2024-2025 denboraldia. Winter Series Txapelketagaz hasiera bakarrik ez baitzaio eman, baina txapelketek urte guztiko egutegia hartuko dute. Aurten, gainera, Floridara jauzi egingo du Jai Alai Ligak. Bai, puntistarik onenak Daniara itzuliko dira.
Horrez gain, Lea-Artibain ere izango dira. Mutrikuko Masters Seriesa ofiziala izango da, txapelketarako puntuagarria, eta Markina-Xemein eta Lekeitiokora batuko da. Apirilaren 12 tik 19ra jokatuko da Santi Brouarden, ekainaren 13tik uztailaren 13ra jokatuko da Unin eta uztailaren 18tik 25era Miruaitzen. Markina-Xemeingoa da Grand Slam formatua duen bakarra.
Ipar eta Hego Euskal Herria batzeaz gain, aurten Jai Alai Liga Estatu Batuetara itzuliko da. Gaurko [abenduak 3] aurkepenean bertan izan da Benny Bueno Daniako ordezkaria. Byscayne Cup izena hartuko du Daniako lehiaketak eta otsailaren 20tik 22ra jokatuko da. Hain zuzen ere, duela astebete eskas bidaiatu zuten eskualdeko puntista asko bertara hiru hilabetez jokatzera. Bertan daude Eñaut Urreisti, Danel Mandiola edota Gorka Mugartegi Atain. Master kategoria izango du txapelketa eta bikoteetako bat bertako aurrekanporaketa batetik aterako da.
Guztira 2024-2025 Jai Alai Ligan 30 txapelketa puntuagarri jokatuko dira: zortzi Slam, hamazazpi Masters eta bost Series edo sailkapen kanporaketa.
Florida eta zesta-punta eskutik helduta joan dira azken 100 urteetan. “Mendeurren hori gogoratzeko hainbat ekitaldi egin dira azken urtean Miamin baina Euskal Herriarekiko lotura askoz haruntzago doa. Hiria bera, Biscayne Bay-n (Badia bizkaitarra) dago kokatuta. Biscayne toponimoa oso zabaldua dago, parke nazional, hiriko etorbide garrantzitsu edota bertako zein bisitarien interesekoak diren uharteetan. Miami Jai Alai pilotaleku ezaguna, Biscayne Fronton bezala inauguratu zuten eta orain, Jai Alai League-k hau guztia omenduko du”.
Aurkezpeneko prentsaurrekoaEraman Jai Alai
Lauko Finala helburu
Baina berritasunak ez dira Estatu Batuetan geratzen. Donibane Lohizuneko Cesta All Star txapelketak bere formatua aldatuko du. Partiduak beharrean, kiniela formatuan lehiatuko da. Hogei pilotarik hartuko dute parte, bi multzotan banatuta egongo dira eta bikotez aldatzen joango dira. Ondoren, lau bikote onenek finala jokatuko dute, hau ere kiniela formatuan.
Horrez gain, Iparraldeko denboraldia dagoeneko martxan dago, Biarritzeko Opena jokatu baita. Johan eta Gorka Sorozabal izan dira garaile, Bixente eta Basqueri finala irabazita. Bestalde, abenduaren 6an, 13an eta 20an Paueko Cesta de Nadau txapelketa jokatu da, hau ere Master kategoriakoa. Hegoalden, berriz, Bilboko Iron Cup txapelketarekiko apustua mantendu nahi izan dute iazko lehiaketa “ahaztezinaren ostean”. EITBk Bilboko partida guztiak emango ditu.
Guztira 2024-2025 Jai Alai Ligan 30 txapelketa puntuagarri jokatuko dira: zortzi Slam, hamazazpi Masters eta bost Series edo sailkapen kanporaketa. Ondoren, puntu gehien lortzen dituzten pilotariek, denboraldi amaierako Durangoko Lauko Finala lehiatuko dute. Egungo puntuazio sistema mantentzen da, baina pilotari bakoitzari gehienezko txapelketa kopuru bat ezarrita. Horrela, sailkapena “proportzionalagoa” izatea bultzatzen dute. Pilotari bakoitzak, gehienez ere sei Slam eta zortzi Masterretako puntuak batu ahal izango ditu, nahiz eta proba gehiago ere jokatu.
Aurkezpena, Donibane LohitzunenEraman Jai Alai
Egutegia:
- Open International Biarritz (urriak 23-30)
- Eusko Label Winter Series (urriak 28-otsailak 16)
- Cesta de Nadau (abenduak 6-20)
- Biscayne Cup – Florida (otsailak 20-22)
- Araba Euskaraz MS (martxoak 7-21)
- Cesta All Star (apirilak 10-29)
- Zumaia MS (apirilak 14-28)
- Lekeitio MS (apirilak 12-19)
- Bilbao Iron Cup (maiatzak 2-ekainak 6)
- Markina-Xemein GS (ekainak 13-uztailak 13)
- 4 Master Internationaux (uztailetik abuztura)
- 4 Master de Biarritz (uztailetik abuztura)
- 2 Master Pau Cup (uztailetik abuztura)
- Internationaux Cesta Punta (uztailak 3-abuztuak 26)
- Urrezko Xistera Biarritz (uztailak 7-abuztuak 20)
- Pau Cup (uztailak 11-irailak 5)
- Mutriku MS (uztailak 18-25)
- Gernika GS (uztailak 19-abuztuak 16)
