Elkar babesten eta saretzen jarraituko dute
Iragan barikuan jakinarazitako Barakaldoko erailketa salatzeko elkarretaratzeak egin dituzte eskualdeko herrietan; Ondarroa, Lekeitio, Markina-Xemein eta Munitibarko herritarrak kalera atera dira egun hauetan. Mutrikun bihar dute hitzordua, 18:30ean.
Lekeitioko elkarretaratzea.Potxuak Martxan Eusko Jaurlaritzako Segurtasun Sailak jakinarazi zuenez, astelehenean [urtarrilak 6] espetxeratu zuten barikuan Barakaldon [urtarrilak 3] ustez ama hil zuen 63 urteko gizona. Horren aurrean kalera irten dira eskualdeko zenbait herritan; Lekeitio, Markina-Xemein, Ondarroa eta Munitibarren elkarretaratzeak egin dituzte egunotan. Munitibarren astelehenean bertan elkartu ziren
Argazkia: Ondarruko Udala.
heinean, gainontzeko hiru herrietan atzo [urtarrilak 7] egin zituzten elkarretaratzeak. Mutrikun, ostera, bihar [urtarrilak 9] elkartuko dira 18:30ean, Goiko Plazan. Ondarroan, adibidez, Alamedan elkartu ziren herritarrak, erailketa salatzeko, eta emakumeen kontrako indarkeriarekin amaitzeko nahia aldarrikatuz.
Lekeition “hitzetik ekintzetara salto egiteko unea” dela azpimarratu zuten, ordea. “Biolentzia matxista, sistema kapitalista heteropatriarkalaren ezinbesteko tresna da pertsonen arteko botere harremana bermatzeko: zapaltzaileak eta zapalduak, esplotatzaileak eta esplotatuak, erasotzaile eta erasotuak”, aldarrikatu zuten, biolentzia matxista “lehen mailako arazo politiko, sozial, ekonomiko eta kulturala” dela nabarmendu zuten baitan. Gainera, kasu hauen aurrean, beraien jarrera argi dute: “Gure bizitzak arriskuan daude, eta honen aurrean autodefentsa feminista eta biziak jarriko ditugu erdigunean. Gogor salatu eta antolatu, ez inoiz emakume baten ahotsa zalantzan jarri”. Izan ere, epaitutakoa beti emakumeen bertsioa izateaz nekatuta daude, eta horrela jarraituz gero “salduta” daudela aurreratu zuten hurbildutakoen aurrean.
Argazkia: Markina-Xemeingo Mugimendu Feminista.
Markina-Xemeinen ere kaleratu ziren herritarrak. “2025a hasi besterik ez da egin, eta lehenengo albiste txarra heldu zaigu”, azaldu zuten. Gainera, Barakaldon 84 urteko emakumea hil zuen semeak, “indarkeria matxistagatik aurrekariak” zituela nabarmendu zuen Markina-Xemeingo Sare Feministak. Beraien babes eta elkartasun osoa adierazi zieten, halaber, biktimaren senide, lagun eta gertuko guztiei. Denon bizitzak jokoan dauden heinean, “hilketa honek agerian uzten ditu sistema honen hutsuneak”: “Urteak daramatzaguz esaten, sistema zisheteropatriarkal, kapitalista eta arrazistak egituraz sostengatzen duela indarkeria matxista, eta horren azken ondorio lazgarri eta iksugarriena duela egun batzuk gertatutakoa dela”. Nazkatuta, hamorratuta eta haserre agertu dira markina-xemeindarrak, eta aurrerantzean ere, elkar zaintzen, borrokatzen eta kalera irteten jarraituko dutela argi esan zuten.
