'Hil Arte Bizi' tailerrak Lekeition egingo du hurrengo geldialdia
Eguenean [urtarrilak 23] egingo dute aurkezpen hitzaldia. Izen ematea eguenetik otsailaren 6ra arte egongo da zabalik.
Nere Erkiaga lekeitiarrak bere herrian emango du hurrengo tailerra. Heriotzaren aurrean norbanakoek dituzten eskubideak argitzeko tailerra da Erkiagak eskaintzen duena, Hil arte bizi izenagaz. Hala, eguenean [urtarrilak 23] egingo du aurkezpen hitzaldia, 18:00etan, kultur etxeko Azkue aretoan.
Lekeitioko Udalaren ekimenez, zortzi saioko tailerra eskainiko du Erkiagak. Saioetako datak honakoak dira: otsailak 11, 18 eta 25, martxoak 11, 18 eta 25, eta apirilak 1. Hala, parte hartu nahi dutenek izena eman beharko dute urtarrilaren 23tik otsailaren 6ra udalaren web orrian (www.lekeitio.com).
“Heriotzari diogun beldurra txikitu eta bizitza zabaltzeko ahalegina egingo dugu. Zortzi tailerretan zehar elkarrekin ikasiko dugu, eta atsegina izango da”, azaldu dute. Era berean, ohartarazi dute tailerra ez dela doluan daudenentzako egokia.
