Tarine musika eskolak prest ditu Burbuila Musikalak
Otsailaren 10etik 14ra egingo dituzte eta saio laburrak direla aurreratu dute.
Urtero legez, prest daude Markina-Xemeingo eta Berriatuko Tarine Udal Musika Eskolak antolatzen dituen Burbuila Musikalak. Entzunaldi txikiak izaten dira, burbuilak bezalakoak; 30 minutuko iraupena izaten dute gutxi gorabehera. Hori bai, asko dira, bi herrietan banatuta.
Markina-Xemeinen aste guztian zehar egingo dituzte, egunero, eta egun batzuetan emankizun bat baino gehiagorekin. Denak ala denak musika eskolako bigarren solairuan izango dira. Berriatuan bakarra egingo dute, baina luzeagoa izango da: otsailaren 14an, musika eskolako lehen solairuan bilduko dira.
Burbuiletan adin guztietako ikasleek parte hartzen dute, eta haien instrumentuekin banaka, binaka zein taldeka ematen dituzte kontzertuak. Tarinekoek esan dute ikasleen emankizunez gozatzera herritar denak daudela gonbidatuta.
Horrez gain, aurreratu dute otsailaren 23an Getxoko Andres Isasi musika eskolak antolatutako piano topaketan parte hartuko dutela musika eskolako hamazortzi ikaslek.
Emanaldiak:
-
Otsailaren 10a, 18:00etan: Gitarra. (Markina-Xemein)
-
Otsailaren 10a, 19:00etan: Biolina eta pianoa. (Markina-Xemein)
-
Otsailaren 11n, 17:30ean: Pianoa eta bateria. (Markina-Xemein)
-
Otsailaren 12an, 17:30ean: Piano, trikitixa eta panderoa. (Markina-Xemein)
-
Otsailaren 13an, 18:00etan: Gitarra eta baxu/gitarra elektrikoa. (Markina-Xemein)
-
Otsailaren 13an, 19:00etan: Pianoa. (Markina-Xemein)
-
Otsailaren 14an, 18:00etan: Gitarra, zeharkako txirula, saxofoia eta klarinetea. (Markina-Xemein)
-
Otsailaren 14an, 17:30ean: Trikitixa, piano, bateria, gitarra, baxua eta gitarra elektrikoa. (Berriatua)
