Ondarroako inauterietako playback lehiaketako izen ematea zabalik dago
Otsailaren 28a [barikua] izango da izena emateko azkenengo eguna, 14:00 baino lehen, Ondarroako Turismo Bulegoan.
Urtero legez Ondarroako Udalak inauterietako playback lehiaketa antolatu du; martxoaren 4an [martitzena], 18:00etan, Itsasaurre Plazan egingo da. Izena ematea zabalik dago, eta otsailaren 28a [barikua] izango da azkenengo eguna, 14:00 arte, Turismo Bulegoan.
2010 eta 2016 urteen artean jaiotako gaztetxoek izango dute parte hartzeko aukera, bi urteak barne. Izena emateko orduan, fitxa bat bete beharko da, eta playbackean erabiliko duten abestia mp3 formatuan entregatu beharko da, usb batean. Antolatzaileek adierazi dutenez, gehienez hamar taldek parte hartu ahalko dute, eta talde gehiagok izena emanez gero, zozketa egingo da.
Epaimahaia Ondarroako Udalak aukeratuko du, eta mozorroa, interpretazioa, koreografia eta abestiaren mezua izango dira baloratuko diren puntuak. Hiru sari banatuko dituzte, herriko establezimenduetan trukatzeko erosketa txartel formatuan; irabazleak 150 euroko saria jasoko du, bigarren sailkatuak 125 eurokoa, eta hirugarrenak, 75 eurokoa.
