Urreisti eta Gorka, Biscayne Cup-etik kanpo
Gaur [otsailak 21] jokatuko dute bigarren finalaurrekoa Aritz Erkiagak eta Mikel Mantzisidorrek Xabi Barandika eta Unai Lekerikaren aurka. Finala ETB1etik emango dute.
Gorka eta Urreisti Biscayne CupenEraman Jai Alai Goizaldean jokatu Daniako frontoian Biscayne Cup Txapelketako lehen finalaurrekoa. Aurrez aurre aritu dira Eñaut Urreisti mutrikuarra eta Gorka Sorozabal Johan Sorozabal eta Imanol Lopezen aurka. Gazteenek ezin izan dute erakutsi Estatu Batuetako denboraldiko erritmoa baliatu garaipena eskuratzeko.
Hala ere, partida parekatua eta berdindua izan da oso. Mutrikuarra agintzen hasi da aurreko koadroetan eta 6-3, 7-4 eta 10-7 aurreratzea lortu dute. Johanek eta Lopezek, berriz, haien sendotasunari esker partida berdintzea lortu dute, 14ko berdinketara heldu arte. Azken tantoa horien alde jauzi da. Zumaiarrak horma bikoa jaurti du, mutrikuarra heldu da, eraman, baina Lopezek pilota sartu eta tantoa amaitu du.
Bigarren jokoa bide beretik hasi da, baina bizkorrago erreakzionatu dute Johanek eta Lopezek eta atsedenaldirako aurretik zeuden 6-8. Johanek lau pasa izan baditu ere, ondo kudeatu du sakea. Sailkapen txapelketako irabazleak saiatu badira ere, ezin izan dute markagailua irauli: 11-15.
Gaur [otsailak 21] goizaldean jokatuko dute bigarren finalaurrekoa: Aritz Erkiaga ispastertarrak eta Mikel Mantzisidorrek Xabi Barandika eta Unai Lekerikaren aurka. Finala zapatuan [otsailak 22] 22:45ean zuzenean emango dute ETB1etik.
