Geuretik Sortuak egitasmoaren egonaldia hasi du Oier Guillanek Aulestin
Oier Guillan idazle, kazetari eta antzerkigileak Geuretik Sortuak egitasmoaren baitako egonaldia hasi du Aulestin. Beranduago, Amoroto eta Munitibarren egingo ditu egonaldiak.
Geuretik Sortuak egitasmoaren egonaldia hasi du Aulestin Oier Guillanek. Aulestiko Udala. Urtarrilaren 24an [barikua] aurkeztu zituzten III. Geuretik Sortuak proiekturen parte izango diren sortzaileak. Sortzaileek, beka baten bitartez, egonaldiak egingo dituzte 30 herritan edo herri multzotan, eta horien artean, Lea-Artibaiko zenbait herritan ere egongo dira. Horrez gain, Naia Arantzamendi ondarrutarrak ere egonaldia egingo du Baigorrin.
Atzo [domeka] hasi zuen bere egonaldia Aulestin Oier Guillan idazle, kazetari eta antzerkigileak. Aste osoan zehar egongo da udalerrian, herritarrak elkarrizketatzeaz gain, baserri ingurua ezagutzen ibiliko da bere eleberria idazteko. Beranduago, Amoroto eta Munitibarren egingo ditu astebeteko egonaldiak.
