Hileko zarzuela emanaldiak 50 lagun elkartu ditu Lekeition
Ikusleek "asko gozatu" dute Lekeitioko Lagunkoi taldeak antolatutako emanaldiagaz.
Atzo [martxoak 12] egin zuen Lekeitio Lagunkoi taldeak hileroko zarzuela emanaldia, kultur etxeko Azkue aretoan. El barberillo de Lavapies obra ikusteko 50 lagun inguru elkartu ziren bertan: “Ikusleek asko gozatu dute 1874an idatzitako obragaz. Carlos III erregearen agintaldiko gizartearen egoera islatzen du”. Ekitaldia amaitu ostean, aldiz, Lagunkoi taldeak euren azken ekintzen eta datozenen berri eman zuen, besteak beste, Santa Katalinako aterpean margotutako Jose Arrueren koadroaren erreprodukzioaren berri. Era berean, gogorarazi dute taldea irekita dagoela kide berrientzat; martxoaren 18an, 10:00etan, egingo dute hurrengo batzarra, kultur etxean.
