Beti Jaik batzar orokorra egingo du zapatuan
Besteren artean, Zuzendaritza Batzordea berrituko dute. Batzarra zapatuan [martxoak 22] 11:00etan eta 11:30ean izango da.
Markina-Xemeingo Beti Jai jubilatuen elkarteak urteko batzar orokorra egingo du. Zapaturako [martxoak 22] ipini dute hitzordua Beti Jain, eta bi deialdi egin dituzte, 11:00etan eta 11:30ean. Hala, sei gairen inguruan erabakiak hartzeko tartea hartuko dute: aurreko aktaren irakurketa eta onarpena, 2024ko memoriaren garapena, 2024ko diruaren gorabeherak, 2025ean egiteko asmoak, Zuzendaritza Batzordea berritzea eta eskariak eta galderak.
