Arbideko hirugarren Txapelketa herrikoiak baditu irabazleak
Domekan [martxoak 30] burutu zuten III. Bloke Txapelketa herrikoia, Ondarroako Arbide Eskalada Taldearen rokodromoan. Lau kategoriatan banatu zen lehia; emakumezkoen absolutua, gizonezkoen absolutua, emakumezkoen beteranoak eta gizonezkoen beteranoak.
Argazkia: Arbide Eskalada Taldea. Ondarroako Arbide Eskalada Taldearen III. Bloke Txapelketa herrikoia jokatu zen domekan (martxoak 30), taldeak bere gain duen rokodromoan (Iñaki deuna, 40). Nahiz eta ate irekiera 08:30ean izan zen, 09:00etan ekin zioten txapelketari. Goizetik hasi eta arratsaldera arte iraun zuen txapelketak, oro har; izan ere, finalak 16:00etatik aurrera jorratu ziren.
15 urtetik gorakoei zuzendutako txapelketa izan zen domekakoa, antolatzaileek aurretiak azaldu zutenez. Halaber, lehiak lau kategoriatan banatu ziren; emakumezkoen absolutua, gizonezkoen absolutua, emakumezkoen beteranoak eta gizonezkoen beteranoak. Emakumezkoen absolutuko txapelduna Ainhoa Ibaibarriaga izan zen heinean, bigarren eta hirugarren postuak Lore Aretxabaletak eta Araitz Amutxastegik eskutatu zituzten. Gizonezkoen absoltuan, aldiz, Lier Perezek lortu zuen lehen postua, Gari Markuerkiagaren (bigarren postua) eta Ugaitz Vidalen (hirugarren postua) aurretik.
Beteranoen lehian, azkenik, emakumezkoetan irabazle bakarra izan zen; Eneritz Arantzamendi. Gizonezkoetako sailkapenak, berriz, hiru saritu hartzen ditu bere gain. Lehenengo postua Ibai Urruzunorentzat izan zen; bigarrena Urko Revueltarentzat, eta hirugarrena Ibon Bedialaunetarentzat.
Argazkiak: Arbide Eskalada Taldea.
