Lander-Foster eta Rober-Egaña, trinkete finaleko protagonistak
Domekan [apirilak 6] finalagaz gain, hirugarren eta laugarren posturako partida jokatuko dute.
Lander-Foster eta Izei-Martxel, bigarren finalaurrekoan.Akarregi Pilota Elkartea Lekeitioko Trinketeko Beterenoen 19. Txapelketako finala jokatu dute domekan [apirilak 6], 12:00etan. Lander eta Foster bikote lekeitiarrak 2023ko txapela errepikatu nahi dute Rober eta Egañak osatutako bikotearen aurka.
Akarregi pilota elkarteak, ohi bezala, finalaz gain, hirugarren eta laugarren posturako partida ere antolatu du 10:15etik aurrera. Bertan ariko dira, batetik, Jaunarena eta Etxezarraga, eta bestetik, Izei eta Martxel gazteak. Baina domekakoari giroa gehitzeko talde argazki egingo dute finala baino lehen eta mokadutxoa jan azken partida eta gero, baita sari banaketa eta otzarak zozketatu ere.
Finalari dagokionez, Lander eta Fosterrek errez irabazi zuten azkenean atzeratutako finalaurrekoa: 30-6 irabazi zieten Urkidi anai gazteei. Hain zuzen ere, lekeitiarrak dira antolatzaileen arabera txapela janzteko hautagai nagusiak. Hala ere, sakea atzeratu izanak aukerak ematen dizkie Bergara eta Mendaroko pilotariei, “ez dute hainbeste sufrituko jokaldi horrekin eta partida polita ikusi dezakegu”.
