Ludovic Ladutxek ordezkatuko du Xabi Barandika Lekeitioko Masters Seriesean
Getariarrak zapatuan [apirilak 5] Ion Ibarluzeagaz jokatuko du Eñaut Urreisti eta Unai Lekerikaren aurka.
Xabier Barandikak berak aitortu zuen Lekeitioko Masters Serieseko aurkezpenean martitzenean [apirilak 1] “oso zail” ikusten zuela txapelketa jokatu ahal izatea, eta albistea ziurtatu egin da. Medikuekin elkartu eta gero, Gasteizko lehiaketan izandako lesioaren ostean kantxan berragertzeko itxaron beharko du gernika-lumotarrak. Ludovic Ladutxek ordezkatuko du Barandika Santi Brouard pilotalekuan, hau da, getariarra iazko azpitxapelduna da. Lehen finalaurrekoan, Ion Ibarluzeagaz bikote osatuz, Eñaut Urreisti eta Unai Lekerikaren aurka neurtu beharko dituzte indarrak. Sarrerak eta bonoak salgai daude.
